Nikon(ed) Security !!!

ഇന്ന് നഗരത്തിലെ ഡർബാർഹാളിൽ ശ്രീ.കെ,ആർ.വിനയന്റെ ഫോട്ടോ പ്രദർശനം കാണാൻ പോയിരുന്നു
വരാണസി എന്നു പേരിട്ട പ്രദർശനത്തിൽ ഗംഗാതടത്തിന്റെ എല്ലാ മായിക സൌന്ദര്യവും പകർത്തിയിട്ടുണ്ട്
ട്രാവൽഫോട്ടോഗ്രാഫി ഇനത്തില്പെടുത്താവുന്ന നാല്പതോളം ഫോട്ടോകൾ
വരാണസിയുടെ പൌരാണികത,ആത്മീയത,ഓളങൾ,വിഹ്വലതകൾ,ജനിമ്രുതികളുടെ നിഗൂഡതകൾ എല്ലാം ഒപ്പിയെടുത്തിരിക്കുന്നു, വിനയേട്ടന്റെ ലെൻസ്.ഒരുപകലും രാത്രിയും അവിടെ കണ്ട കാഴ്ചകളാണ് പീലിയേഴും നീർത്തി മുന്നിൽ നിറയുന്നത്‌
ഉസ്താദ് ബിസ്മില്ലാഖാനാണ് പ്രദർശനം സമർപ്പിച്ചിരിക്കുന്നത്.പറഞു വരുന്നത് അദ്ദേഹത്തിന്റെ പ്രദർശനത്തിന്റെ ഗരിമയെക്കുറിച്ചല്ല.ഒരു കഥയാണ്.രണ്ട് വർഷം മുൻപ് ഗുരുവായുരിൽ നടന്ന കഥ.
ക്ഷേത്രത്തിൽ ക്യാമറ ഉപയോഗിക്കാൻ അവകാശം എല്ലാവർക്കുമില്ല.അതിനായി ക്വട്ടേഷൻ വിളിക്കുകയാണ് ചെയ്യുക(ഈ വർഷത്തെ തുക 32 ലക്ഷം എന്നു കൂട്ടി വേണമെങ്കിൽ വായിച്ചോ!).അല്ലെങ്കിൽ പ്രത്യേക അനുമതി വേണം.അതത്ര എളുപ്പവുമല്ല.അന്ന് ക്രുഷ്ണണനാട്ടം നടക്കുകയാണ്.അതിന്റെ ഫോട്ടോകൾ തന്നെ വിരളം.പുതുതായി വാങിയ ക്യാമറയുമായി വിനയേട്ടൻ എങനേയോ അകത്തു കയറിപ്പറ്റി.നോക്കുമ്പോൾ ആട്ടം കൊഴുക്കുന്നു.മനസ്സിനൊപ്പം ക്യാമറയും ഉത്സാഹത്തിലായി.ഫ്ലാഷില്ലാതെ യന്ത്രത്തിന്റെ വാതിലുകൾ തെരുതെരെ തുറന്നടഞു.ഒരു കാൽ മണിക്കൂറായിട്ടുണ്ടാകും നേര്യത് മടക്കി പിൻ ചെയ്ത കാവൽഭടൻ ഓടിയെത്തി
“ഏയ്,മിസ്റ്റർ,ഇവിടെ ക്യാമറ ഉപയോഗിക്കാൻ പാടില്ലെന്നറിഞുകൂടെ?”
തന്റെ ഗൌരവമാർന്ന മുഖം വിനയേട്ടൻ മെല്ലെ തിരിച്ചു.ഭടന്റെ കണ്ണുകളിലേയ്ക്കുറ്റു നോക്കി.ഒരു നിമിഷം.അദ്ദേഹം ക്യാമറയുയർത്തിക്കാണിച്ച് പറഞു
“നോക്കൂ,ഇതു നിക്കോണിന്റെ ക്യാമറയാണ്”
ഭടൻ കുഴങി.ഇനിയിപ്പൊ എന്താ ചെയ്ക?പിന്നെ ഇവ്വിധം മൊഴിഞു
“ഹ് ഹ്`..അങിനെയെങ്കിൽ സാറെടുത്തോ,ഞാൻ പോട്ടെ”
പിന്നെ തിരിഞു നടന്നു
പിന്നീട് ഡൽഹിയിൽ ആ ചിത്രങളുടെ പ്രദർശനം നടന്നപ്പോൾ അത് സമർപ്പിച്ചത് ആർക്കാണെന്ന് പറയേണ്ടതില്ലല്ലോ!!!

അരണ

പുറപ്പെടുമ്പോൾ
ആകെ ചുവപ്പായിരുന്നു
എന്തൊക്കേയോ
മഹത്തായ ലക്ഷ്യങൾ ഉണ്ടെന്നും
ആരെയൊക്കേയോ
കടിച്ചില്ലാതെയാക്കുമെന്നും
പറഞിരുന്നു
ഞങൾ അപ്പാടെ വിശ്ശ്വസിച്ചു
ഇപ്പോൾ
ഏത്‌ വേരിലിട്ട് വലിച്ചാണ്
ഈ ചുവപ്പെല്ലാം മായ്ച്ച്തു?
നീ മറവിയല്ല
തെറ്റിദ്ധരിപ്പിച്ച
പാമ്പ്

വാക്ക്‌ വരുംവഴി

ചെത്ത്‌ എന്നൊരു പദം നമ്മുടെ നിഘണ്ടുവില്‍ അക്ഷരാര്‍ത്ഥത്തില്‍ കയറിക്കൂടിയിട്ട്‌ നാളിമ്മിണിയായി.ഉഗ്രന്‍ എന്നതിന്റെ പര്യായമായി വന്ന ചെത്ത്‌ പിന്നെ ഒരുപാടൊരുപാട്‌ പദങ്ങള്‍ക്ക്‌ പകരക്കാരനായി വിലസി."80 കള്‍ക്കൊടുവില്‍,പരീക്ഷ ചെത്ത്‌ പാസ്സായി എന്നാല്‍ just പാസ്സായി എന്നു തന്നെയായിരുന്നു.അടിപൊളിയുടെ വരവായിരുന്നു പക്ഷേ വരവ്‌.അതാണെങ്കില്‍ pager എന്ന യന്ത്രത്തെ സെല്‍ഫോണ്‍ ചവിട്ടിപ്പുറത്താക്കിയപോലെയായി(ഞാന്‍ വന്നപ്പോഴേയ്ക്കും മാമ്പഴക്കാലം തീരുകയല്ല കണ്ണിമാങ്ങകള്‍ വിരിയുകയായിരുന്നു ,സേര്‍!!!)അടുത്തിടെ കോട്ടയത്തുള്ള പെണ്മാസികയില്‍നിന്നുമൊരു ചങ്ങാത്തം വിളിയ്ക്കുകയുണ്ടായി,അടിപൊളിയ്കു തൃശ്ശൂര്‍ മൊഴിയുണ്ടെങ്കില്‍ അറിയിക്കാമോ എന്നാണ്‌ ചോദ്യം,ഞാന്‍ പൂരനഗരിയില്‍ നിയമം പഠിക്കുകയും ഇപ്പോള്‍ അതു പാലിക്കുകയും ചെയ്യുന്ന സന്ദേശിന്റെ കീശസരസ്വതിയെ വിളിച്ചു,ഉണ്ട്‌,ചെമ്പട എന്നൊരു പ്രയോഗമുണ്ട്‌ എന്നവന്‍.തൃശ്ശൂര്‌കാരനതിനെ നാടിന്റെ നാദമായ ചെണ്ടയോട്‌ ചേര്‍ത്ത്‌മുറുക്കിയിരിക്കുന്നു.ഇവ്വിധം കഴിഞ്ഞ രാത്രി ആലോചിച്ചുകിടക്കവേ വെറുതേ എണ്ണി നോക്കി,ചെത്ത്‌,അടിപൊളി,വീശ്‌,ചീമ്പ്‌,കീറ്‌,അടിപ്പന്‍,ചെമ്പൂട്ടന്‍,അഡാറ്‌,ഡമാറ്‌,വെടിക്കെട്ട്‌,കിടു,ഗുണ്ട്‌,സെറ്റപ്പ്‌,...........എന്നിങ്ങനെ എത്രയോ യോ....വൈകിട്ടെന്താ സെറ്റപ്പ്‌?ശങ്കരേട്ടന്റെ സെറ്റപ്പാ ആ പോകുന്നത്‌!!!ചോദിക്കാനുണ്ടോ,സെറ്റപ്പല്ലേ?ഇങ്ങിനെ എത്ര അര്‍ത്ഥഭേദം ഒരൊറ്റ വാക്കില്‍!!!ഒരുപാടു വാക്കുകള്‍ പ്രാദേശികമായി പറയുന്നുണ്ട്‌,കൂട്ടിച്ചേര്‍ക്കപ്പെടുന്നുമുണ്ട്‌.ആ ഒരുവാക്കിലറിയാം ആളേത്‌ നാട്ടുകാരനെന്നു,അതിനു പിഗ്മാലിയനിലെ പ്രൊഫെസര്‍ ഹിഗ്ഗിന്‍സ്‌ ആകണമെന്നില്ല.കിടു എന്നു പറഞ്ഞാലറിയാം അവന്‍ തിരോന്തരംകാരനെന്ന്.അതു പറഞ്ഞപ്പോഴാണോര്‍ത്തത്‌ ചിത്രഭൂമിയില്‍ ജഗദീഷ്‌ എഴുതിയത്‌,to harihar nagar കണ്ടിറങ്ങിയ സുരാജ്‌ വെഞ്ഞാറമ്മൂട്‌ ഇങ്ങനെ പറഞ്ഞത്രെ"അണ്ണാ ഞെരിച്ചണ്ണാ,ഞെരിച്ചു"-എങ്ങിനെയുണ്ട്‌ പദനിര്‍മ്മു?കുഞ്ഞുവാല്‍-ചെത്ത്‌ എന്ന വാക്കിന്റെ വിവക്ഷ,പ്രസ്സ്‌ അക്കാദമിയില്‍ പഠനം നടിക്കവേ അദ്ധ്യാപിക പറഞ്ഞുതന്നു.നിങ്ങളീ കൊല ചെത്തണ കണ്ടിട്ടില്ലേ,ഇങ്ങിനെ അരിഞ്ഞരിഞ്ഞ്‌.....അതുപോലെ ആണ്‍കുട്ടികള്‍ ബൈക്കില്‍ വെട്ടിച്ച്‌ വെട്ടിച്ച്‌ പോകുന്നതുകൊണ്ടാണ്‌,ചെത്ത്‌ എന്ന വാക്കുണ്ടായത്‌!!!ലീലാവതി ടീച്ചര്‍ പഠിപ്പിച്ചിറങ്ങിയ അതേ ക്ലാസില്‍ നിന്നാണ്‌ ബഹു അദ്ധ്യാപിക ഇത്‌ പറഞ്ഞത്‌,സുകൃതക്ഷയം എന്നല്ലാതെ എന്തോന്ന്?