കോതമംഗലത്തെ രണ്ട്‌ സ്ക്കൂളുകൾ അടയാളപ്പെടുത്തുന്നതെങ്ങിനെ?

കോതമംഗലത്തെ രണ്ടു സ്കൂളുകൾ(mar basil,st.george)കായിക കേരളത്തിന്റെ തമ്പുരാക്കന്മാരായിട്ട്‌ ശ്ശി കാലമായി.കോട്ടയം ജില്ലയിലെ ckmhs എന്ന "ഭീകരന്മാരിൽ നിന്നാണ്‌ ആദ്യമായി
ജിമ്മിമാഷും കുട്ടികളും ഈ ബാറ്റൺ പിടിച്ചെടുത്തത്‌.തുടർന്നിങ്ങോട്ട്‌ st.georgeഅത്‌ കൈവിടാതെ കൊണ്ട്‌ നടക്കുന്നു.ഏതൊരു കോതമംഗലംകാരനും ഇത്‌ അഭിമാനകരമായ അനുഭവം,പക്ഷേ,എനിക്കിത്‌ അതിലുപരി രക്ഷപ്െടൽകൂടിയാണ്‌
മധ്യവയസ്ക കാമനകൾ ആർത്തിയോടെ വായിച്ചുതീർത്തവയാണ്‌ സൂര്യനെല്ലി വാണിഭവാർത്തകൾ.കോടാനു കോടി പീഡനകഥകൾക്ക്‌ സ്നാപകയോഹന്നാണായി മുൻപേ നടന്ന പീഡനം.അതെയതെ, പീഡനം എന്ന വാക്കുതന്നെ ഇത്തരത്തിൽ ഉപയോഗിക്കപ്പെടുന്നത്‌ ഈ പോസ്റ്റ്‌ സൂര്യനെല്ലിക്കാലത്താണ്‌. തുടർന്നിങ്ങോട്ട്‌ നടന്ന എല്ലാ പീഡനങ്ങളിലും കോതമംഗലം എന്ന gate way of high range എട്ട്‌ കോളം നിറഞ്ഞാടി.കുമളിയിൽ എത്തിയാൽ അമളി പറ്റാതെയും കോതമംഗലത്തായാൽ കോലം തിരിയാതെയും എന്ന മിമിക്രിക്കാരുടെ വചനഘോഷം ഞങ്ങളെ തെല്ലൊന്നുമല്ല വിഷമിപ്പിച്ചത്‌
ഓട്ടോറിക്ഷയിൽ നിന്നിറങ്ങി വിദ്ഥ്യാർഥിയായി ത്രിശ്ശൂരിൽ എത്തിയതോടെയാണ്‌ ഇക്കഥകൾക്ക്‌ മറ്റൊരു മാനം കൈവന്നത്‌.കോതമംഗലമാണ്‌ സ്വദേശമെന്നറിഞ്ഞ പല നെറ്റികളും ചുളിഞ്ഞു.ഈ പേരു കേട്ടിട്ടില്ലാത്തതുകൊണ്ടാകാം ഈ ചുളിയൽ എന്നോർത്ത്‌ AD8-നൂറ്റാണ്ടിൽ ചേരന്മാർ ഭരിച്ച സ്ഥലം എന്നു ഞാൻ കോസാംബിയായി.അപ്പോഴേക്കും പെൺകുട്ടികൾ സ്ഥാനം തെറ്റിയ ഷോളുകൾ നേരെയാക്കി ബാലൻ കെ നായരെ കണ്ട പെണ്ണിനേപ്പോലെ ഞെട്ടി.വിശ്രുതമായ ഗിരിജ തീയേറ്ററിൽ സെക്കന്റ്‌ ഷോയ്ക്കു പോയ ഒരു തവണ ചങ്ങാതി പറഞ്ഞു,ടാ,ഏതെങ്കിലും കോതമംഗലം മശകൾ ഉണ്ടാകും നീയറിയുന്നതാണോ എന്നു നോക്കാം എന്ന്‌.ഇപ്പോൾ ത്രിശ്ശൂരാണ്‌ ഇവരുടെ ആസ്ഥാനം ത്രിശൂരാണെന്നും ഞാൻ ഉവാച.തന്റെ മുന്നൂറു റാത്തൽ മാംശ നിബിഡത കൊണ്ടു മലയാളി മനസ്സിൽ കാളിയമർദ്ദനം നടത്തിയ ഷക്കീല മുന്നിൽ നിന്നും പട നയിക്കുന്നു .അകമ്പടിയായി സിന്ധു,മറിയ ,രേഷ്മ ത്രയങ്ങൾ.സ്ഥാപനവൽക്കരിക്കപ്പെട്ട കൂട്ടികൊടുപ്പുകാരിയാണ്‌ അതിൽ ഷക്കു.ഇന്റർവെല്ലിനു തൊട്ടുമുൻപ്‌` അവർ ഇങ്ങിനെ'കോതമംഗലത്തുനിന്നായിരുന്നു എന്റെ തുടക്കം"
ഞെട്ടി !!!
നിലയ്ക്കാത്ത കൂവലുകൾക്കിടയിൽനിന്നും ഞാൻ നഷ്ടപ്പെടാനിടയുള്ള പലതും രക്ഷിക്കാൻ പുറത്തേക്കോടി.
കോതമംഗലമെന്നും പിന്നീടു കോതു എന്നു ചുരുങ്ങിയ എന്റെ വട്ടപ്പേര്‌ അങ്ങനെ ഒരു നേഗറ്റീവ്‌ aspectൽ ഉണ്ടായതാണ്‌.പിന്നീട്‌ ബിരുദം കഴിഞ്ഞ്‌ press academyലെ പ്രവേശനപ്പരീക്ഷയുടെ ഫലം നോക്കിയിരിക്കവേ ചാലക്കുടിക്കടുത്ത്‌ അന്നനാട്ടിൽ നിന്നും മുഷിഞ്ഞ മണമുള്ള ഒരു കത്ത്‌ വന്നു,തീർച്ചയായു ഒരു നാടിന്റെ പേരിൽ അറിയപ്പെടുന്നത്‌ ആഹ്ലാദം തന്നെ-അത്‌ കോതമംഗലം അല്ലെങ്കിൽ
എന്റെ നാടിനെ ലൈംഗികവൈകൃതത്തിന്റെ പര്യായമായി വിശേഷിപ്പിച്ച ത്രിശ്ശൂരിയൻ സൗഹ്രുദങ്ങൾക്കു മൂക്കത്തേറ്റ ഒരിടിയായിരുന്നു മുൻപ്‌ പറഞ്ഞ സ്കൂളുകൾ നൽകിയത്‌
അതുകൊണ്ടൊക്കേയും
നന്ദി മാഷന്മാരെ
കുട്ടികളേ
ചെറിയ പള്ളി മുത്തപ്പനുമാത്രമല്ല കത്തോലിക്ക സഭയ്ക്കും നന്ദി
പത്തേമാരിയിൽ കയറി യാത്രയ്ക്കൊരുങ്ങിയ എന്റെ മാനത്തെ കൈപിടിച്ചിറക്കി കാത്തുരക്ഷിച്ചതിന്‌...ഉലകൊടുങ്ങും വരെ നന്ദി